Sarah Geronimo

Sarah Geronimo
Si Geronimo mantang nagpeperporm sa Fusion Music Festival kan 2016
Kamundagan	Sarah Asher Tua Geronimo-Guidicelli (1988-07-25) Hulyo 25, 1988 (edad 35)
Trabaho	Parakanta aktres
Mga taon na aktibo	1992–presente
Ahente	Viva Artists Agency (2002–presente) ABS-CBN Entertainment Groups (2004–presente)
Telebisyon	The Voice of the Philippines
Mga gawad	Hilingon an lista
Musical career
Mga genre	OPM pop
Mga instrumento	Vocals
Mga tatak	Viva
Lagda
Websityo
sarahgeronimo.ph

Si Sarah Asher Tua Geronimo-Guidicelli (Pagsayod sa Tagalog: [hɛˈɾɔnɪmo]; namundag Hulyo 25, 1988) sarong Pilipinang parakanta asin aktres. Siya nagin prominente kan 2002, matapos manggana sa kompetisyon nin pagkanta sa telebisyon na Star for a Night asin nakaguno siya nin sarong kontrata sa pagrekord nin kanta sa Viva Records.^[1] An pinakainot na album ni Geronimo na Popstar: A Dream Come True (2003), pinagsertipikaran na multiple platinum kan PARI^[2] asin nangagin pinakamabentang album sa Filipinas.

Pinagkaklasipikar an musika ni Geronimo bilang pop sagkod na ipinaluwas an saiyang ikasampulong studio album na Expressions (2013), kan idinugang niya an R&B asin bayle sa saiyang istilo. Sumunod sa crossover sa porma nin musika, nakua niya man giraray an duwang surunod na premyong Album kan Taon gikan sa Gawad Awit para sa Perfectly Imperfect (2014) asin The Great Unknown (2015).^[3][4] An solong musika ni Sarah Geronimo na may titulong "Tala" nakalaog sa ika-12ng lugar sa World Digital Song Sales kan Estados Unidos (Billboard)^[5] kan 2020. Naguno man kaini abot sa 100 milyon na pagdalan sa YouTube, bagay na nakapagtao saiya kan pinakainot na babaing Pilipinong parakanta na naabot an siring na kahanga-hangang gibo.^[6] Inaapod man siya bilang an "Popstar Royalty"^[7], asin "Queen of Philippine Pop"^[8].

Si Geronimo nagpoon kan saiyang karera sa telebisyon sa ABS-CBN Entertainment kan 2004. Siya nagluwas sa mga proyekto siring kan ASAP (2004–presente), Bituing Walang Ningning (2006), Sarah G. Live! (2012–2013) asin tagatukdo sa The Voice of the Philippines (2013–presente). Nilaog niya man an mainstream cinema asin namidbid sa saiyang pagganap sa mga pelikulang: A Very Special Love (2008), You Changed My Life (2009) asin It Takes a Man and a Woman (2013). Naguno niya an mga titulong Box-office Queen gikan sa GMMSF Box-Office Entertainment Awards para sa lambang pelikula asin duwang nominasyon para sa Gawad FAMAS para sa Pinakamatibay na Aktres, sosog sa pagkasurunod.^[9][10]

Ginibo ni Geronimo an konsyerto para sa saiyang ika-15ng anibersaryo na inapod "This Is Me" siring man inaapod "This 15 Me" sa Araneta Coliseum kan 2018 asin nagin "Pinakamabentang Lokal na Konsyerto sa Gabos na Panahon." An opisyal na hashtag kan konsyerto iyo man an nagninot na topic sa Twitter Philippines na nag-trending kan aldaw kan konsyerto na nagkaigwa nin 200,000 tweets.^{[nangangaipo nin toltolan]} Nakua man kan Netflix an katanosa tanganing maipadalan an pelikula kan konsyerto bagay na naggibo ki Geronimo bilang pinakainot na artista sa Sur-subangan na Asyanong na nagkaigwa nin sarong konsyertong pelikula sa nasabing plataporma o medya.

Sa lawig kan karera ni Geronimo, siya nakaresibe manlainlain na gawad parehong sa lokal asin global, kabali an 15ng Gawad Awit, 8ng Gawad Aliw, asin sarong FAMAS Golden Artist Award. Siya an pinaka-nagawadan na artista sa Gawad Myx Music, igwa nin 28 kapangganahan. Siya naggana man nin Best Asian Artist sa Mnet Asian Music Awardskan 2012, Best Southeast Asian Act sa MTV Europe Music Awards kan 2014, Best Asian Performer sa Classic Rock Roll of Honour Awards kan 2016 asin apat na World Music Awards kabali an Best Selling Filipino Artist. Siya angin pinakainot na parakantang Pilipino na nagawadan sa kasaysayan kan World Music Awards.^[11] Nakalaog man siya sa Anak TV Hall of Fame kan 2013. Si Geronimo sarong Goodwill Ambassador for Music kan Nasyunal na Komisyon para sa Kultura asin kan Arte asin sarong resipyente kan saindang Ani ng Dangal o "Harvest of Honors" bilang pagmidbid kan estado sa manlainlain na porma nin arte. Poon 2014, si Geronimo nagin pinaka-dinalan na solong Pilipinong artia sa Spotify Philippines.^[12][13][14]

1. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na manila standard1
2. ↑ "Local music’s best-selling records" (in en). Manila Standard. October 15, 2016. https://manilastandard.net/showbitz/218902/local-music-s-best-selling-records.html. Retrieved on 23 February 2020. 
3. ↑ "28th Awit Awards". awitawards.com.ph. Retrieved December 9, 2015. 
4. ↑ "Sarah G, Ebe Dancel win big at 29th Awit Awards". ABS-CBN News. Retrieved December 8, 2016. 
5. ↑ "Sarah Geronimo Chart History (World Digital Song Sales)". Billboard. https://www.billboard.com/music/sarah-geronimo/chart-history/WDT. Retrieved on February 7, 2020. 
6. ↑ Published Feb 27, 2020 10:22:49 PM (2020-02-27). "Sarah Geronimo Tala video hits 100-M views". Cnnphilippines.com. Archived from the original on 2020-04-27. Retrieved 2020-03-16. 
7. ↑ "From Popstar Princess To Popstar Royalty: Sarah Geronimo Stages "Perfect 10" Concert!". myxph.com. 
8. ↑ Lin, Jy (June 7, 2017). "The Queen of Philippine Pop, Sarah Geronimo reveals her top 5 breakup playlist. What's your breakup playlist?". Kami.com.ph. Retrieved June 16, 2017. 
9. ↑ "You Changed My Life Awards". imdb.com. Retrieved August 26, 2018. 
10. ↑ "It Takes a Man and a Woman Awards". imdb.com. Retrieved August 26, 2018. 
11. ↑ Umbao, Ed (May 30, 2014). "Sarah Geronimo Winner in the 2014 World Music Awards (WMA)". philnews.ph. Retrieved November 19, 2016. 
12. ↑ "Eraserheads, Sarah Geronimo most streamed OPM artists on Spotify Phl - Philstar.com". Philstar.com. Retrieved August 26, 2018. 
13. ↑ Cathy Rose A. Garcia. "The most-streamed OPM track on Spotify is..." News.abs-cbn.com. Retrieved August 26, 2018. 
14. ↑ "Spotify reveals top artists, tracks of 2017 - The Manila Times Online". Manilatimes.net. Retrieved August 26, 2018.